Batang babae, nalunod sa ilog
- BULGAR
- Sep 6, 2020
- 1 min read
@Balitang Probinsiya | September 6, 2020
ALBAY—Patay ang 13-anyos na batang babae nang malunod sa ilog na sakop ng Bgy. Lourdes, Polangui.
Ang biktima ay kinilalang si Babylyn Hastre, nakatira sa nabanggit na bayan.
Ayon sa ulat, nagkaayaan si Hastre at ang kanyang mga kaibigan na maligo sa Agos River sa nasabing barangay.
Nabatid na habang naliligo ay napagawi si Hastre sa malalim na bahagi ng ilog kaya nalunod ang biktima.
Kaagad sumaklolo ang mga residente at dinala ang biktima sa ospital, pero idineklara itong dead-on-arrival.
Comments