Bata, natagpuang patay sa dagat

@Balitang Probinsiya | Pebrero 3, 2023

SORSOGON – Isang batang lalaki ang natagpuang patay, kamakalawa sa karagatang sakop ng Bgy. Tabunan, Matnog sa lalawigang ito.

Inaalam pa ng mga awtoridad ang pagkakakilanlan ng biktima, na tinatayang nasa pagitan ng 8-12 ang edad.

Nabatid na ilang mangingisda ang nakatagpo sa bangkay ng biktima na nakalutang sa nasabing karagatan.

Sa pagsisiyasat ng pulisya, posible umanong naligo sa dagat ang biktima at tinangay ng alon kaya nalunod.

Panawagan ng pulisya sa sinumang may nawawalang kamag-anak na batang lalaki na magtungo sa kanilang tanggapan para kilalanin ang biktima na sa kasalukuyan ay nasa punerarya.