Barangay chairman, nilikida

@Balitang Probinsiya | January 7, 2021

DAVAO DEL SUR—Isang barangay chairman ang namatay nang barilin ng hindi kilalang armadong lalaki kamakalawa sa Bgy. Managa, Bansalan.

Ang biktimang nagtamo ng mga tama ng bala sa katawan ay kinilalang si Chairman Samuel Dicdican, residente ng Bgy. Buenavusta sa nasabing bayan.

Ayon sa ulat, habang nasa labas ng kanilang bahay si Dicdican ay biglang sumulpot ang suspek at agad pinagbabaril ang biktima.

Iniimbestigahan na ng pulisya ang motibo ng mga suspek sa pamamaslang sa biktima.

Kaugnay nito, nagpalabas na rin ng manhunt operation ang mga awtoridad para madakip ang salarin.