Bangkay ng worker, natagpuan sa ilog

@Balitang Probinsiya | November 23, 2020

CAPIZ—Isang bangkay ng utility worker na may mga tama ng saksak ang natagpuan kamakalawa sa ilog na sakop ng Bgy. Banica, Roxas City.

Ang biktima ay kinilala ng pulisya na si Jonathan Caloyloy, residente ng Bgy. Tanza Norte, Panay sa nasabing lalawigan.

Nabatid na menor-de-edad ang nakatagpo sa bangkay ng biktima sa nabanggit na barangay.

Sa imbestigasyon ng pulisya, posible umanong biktima ng panghoholdap si Caloyloy at maaaring nanlaban ito kaya pinatay ng mga suspek.

Patuloy pa ang isinagawang imbestigasyon ng mga awtoridad para makilala at madakip ang mga salarin.