Bangkay ng magsasaka, natagpuan

@Balitang Probinsiya | November 17, 2021

CAPIZ—Natagpuan ang bangkay ng isang magsasaka kamakalawa sa bukid na sinasaka umano nito sa Bgy. Esteban, Pilar.

Ang biktima ay kinilala ng pulisya na si Julius Barce, nasa hustong gulang at nakatira sa nabanggit na barangay.

Nabatid na ilang residente ang nakakita sa bangkay ng biktima sa nasabing lugar.

Sa pagsisiyasat ng pulisya ay posible umanong atake sa puso o heat stroke ang ikinamatay ng biktima dahil wala namang palatandaan na ito ay pinatay.

Gayunman ay patuloy pa rin ang imbestigasyon ng pulisya para matiyak na walang foul play sa pagkamatay ng biktima.