Bangkay ng lola lumutang sa sapa

@Balitang Probinsiya | Enero 19, 2023

AKLAN—Isang bangkay ng lola ang natagpuan kamakalawa na nakalutang sa sapa na sakop ng Bgy. Agmailig, Libacao.

Ang biktima ay kinilala ng pulisya na si Pacita Apolinario, 63-anyos at residente sa nabanggit na bayan.

Nabatid na ilang residente ang nakatagpo sa bangkay ng biktima sa sapa sa nasabing barangay.

Huli umanong nakitang buhay si Apolinario habang kakuwentuhan ang isang kabarangay na nakatira malapit sa sapa.

Patuloy pa ang isinagawang imbestigasyon ng mga awtoridad para mabatid ang sanhi ng ikinamatay ni Apolinario kung may naganap na foul play sa kamatayan nito o kung aksidenteng nalunod sa sapa ang biktima.