Bangkay ng kelot, natagpuan sa talahiban

@Balitang Probinsiya | October 18, 2021

QUEZON--Isang bangkay ng lalaki ang natagpuan kamakalawa sa matalahib na lugar sa Bgy. Pahinga Norte, Candelaria.

Ang biktima ay kinilala ng pulisya na si Zaldy Custodio, 30-anyos at nakatira sa nasabing bayan.

Nabatid na ilang residente ang nakatagpo sa bangkay ng biktima sa matalahib na lugar sa naturang barangay.

Kaagad na ini-report ng mga residente sa pulisya ang tungkol sa natagpuan nilang bangkay ni Custodio, at sa imbestigasyon ay nalamang may mga tama ito ng bala sa katawan.

Patuloy pa ang imbestigasyon ng pulisya upang mabatid ang motibo sa naganap na krimen.