Bangkay ng kelot, lumutang sa sapa

@Balitang Probinsiya | Enero 8, 2023

ALBAY—Isang bangkay ng lalaki ang natagpuang nakalutang kamakalawa sa sapa na sakop ng Bgy. Caratagan, Pio Duran.

Kinilala ng pulisya ang biktima na si Felicito Padios, 42-anyos at residente ng nabanggit na bayan.

Nabatid na ilang residente ang nakatagpo sa bangkay ng biktima na nakalutang sa sapa sa nasabing barangay.

Huli umanong nakitang buhay si Padios na lumabas ng kanilang bahay at pagkaraan ay hindi na nakauwi hanggang matagpuan ng mga residente ang bangkay nito sa sapa.

Patuloy pa ang isinagawang imbestigasyon ng mga awtoridad para mabatid kung may naganap na foul play sa kamatayan ni Padios o kung aksidenteng nalunod lang ito sa sapa.