Bangkay ng bebot, natagpuan sa suv

@Balitang Probinsiya | Oct 28, 2021

ILOILO—Isang bangkay ng babae ang natagpuan sa loob ng SUV (sports utility vehicle) kamakalawa sa Bgy. Inangayan, Barbara Martes.

Isang identification card na may pangalang “Claire Dergos” ang natagpuan sa gamit ng biktima sa loob ng kotse.

Nabatid na ilang residente ang nakakita sa bangkay ng biktima sa loob ng SUV na nakaparada sa nasabing lugar.

Sinabi ng mga residente na napuna nila ang sasakyan na ilang araw ng nakaparada sa naturang barangay at nang tingnan ay dito natagpuan ang bangkay ng biktima.

Patuloy pa ang isinasagawang imbestigasyon ng pulisya upang mabatid ang sanhi ng pagkamatay ng babae.