Bangkay, natagpuan sa kanal

@Balitang Probinsiya | November 16, 2021

ALBAY—Isang bangkay ng hindi kilalang lalak ang natagpuan kamakalawa sa malalim na kanal sa Bgy. Tambongon, Bacacay.

Sa ngayon ay inaalam na ng mga awtoridad ang pagkakakilanlan ng biktima.

Ayon sa ulat, ilang residente ang nakatagpo sa bangkay ng biktima na may tama ng bala sa ulo sa kanal sa nasabing lugar.

May hinala ang mga awtoridad na sa ibang lugar pinatay ang biktima at itinapon lang ang bangkay nito sa naturang barangay.

Patuloy pa ang imbestigasyon ng pulisya upang mabatid ang motibo sa naganap na krimen.