Bangkay, natagpuan sa ilog
Jan 19, 2024
1 min read
@Balitang Probinsiya | Enero 19, 2024
NEGROS OCCIDENTAL -- Isang hindi kilalang lalaki ang natagpuang patay habang nakalutang sa ilog kamakalawa sa Brgy. Lopez Jaena, Murcia sa lalawigang ito.
Sa ngayon ay inaalam pa ng mga otoridad ang pagkakakilanlan ng biktima.
Ang biktima, ayon sa pulisya ay tinatayang nasa pagitan ng 25 hanggang 27 ang edad.
Napag-alaman na ilang residente ang nakatagpo sa bangkay ng biktima habang nakalutang sa ilog sa nabanggit na lugar.
Patuloy ang imbestigasyon ng mga otoridad sa pagkamatay ng biktima sa nasabing ilog.
Comments