Bangkay na kelot natagpuan sa ilog

@Balitang Probinsiya | November 12, 2022

CAMARINES SUR—Isang bangkay ng hindi kilalang lalaki ang natagpuang nakalutang kamakalawa sa ilog na sakop ng Bgy. San Mateo, Camaligan.

Sa ngayon ay inaalam pa ng mga awtoridad ang pagkakakilanlan ng biktima na tinatayang nasa pagitan ng 30 hanggang 35 ang edad, nakasuot ng itim na sando at stripe na short pants.

Nabatid na ilang mangingisda ang nakatagpo sa bangkay ng biktima na nakalutang sa nasabing ilog.

Kaagad ipinagbigay-alam ng mga mangingisda sa pulisya ang tungkol sa pagkakatagpo nila sa bangkay ng biktima.

Patuloy pa rin ang isinasagawang imbestigasyon ng mga awtoridad upang malaman kung namatay sa lunod o may foul play sa pagkamatay ng biktima.