Bakasyunistang bebot, nahulog sa resort hotel

@Balitang Probinsiya | March 1, 2021

AKLAN—Isang babaeng bakasyunista ang sugatan nang mahulog kamakalawa sa isang resort hotel sa Boracay Island.

Sa kasalukuyan ay inaalam pa ng mga awtoridad ang pagkakakilanlan ng biktima na nasa pagitan ng 40-42 ang edad.

Ayon sa mga saksi, nagulat sila nang mahulog mula sa ikatlong palapag ng resort hotel ang biktima.

Kaagad dinala ng mga saksi ang biktima sa pagamutan at kasalukuyan na itong ginagamot sa ospital.

Inaalam pa ng mga awtoridad kung sinadya ng biktima ang kanyang pagkahulog o aksidenteng nahulog ito sa resort hotel.