Bahay ng mangingisda, nasunog
Nov 5, 2021
1 min read
@Balitang Probinsiya | November 5, 2021
CAPIZ--Isang bahay ng mangingisda ang tinupok ng apoy kamakalawa sa Bgy. Agbanog, Pontevedra.
Ang bahay na nasunog ay pag-aari ni Raffy Villarena, 39-anyos, residente sa naturang barangay.
Ayon sa ulat, biglang sumiklab ang sunog sa bahay ni Villarena at sa pagresponde ng mga bumbero ay mabilis din na naapula ang apoy.
Sa imbestigasyon ng mga awtoridad ay nabatid na faulty wiring ang naging sanhi ng sunog.
Wala namang iniulat na nadisgrasya sa naganap na insidente.
Comments