Bahay natupok

@Balitang Probinsiya | March 3, 2023

CAMARINES SUR — Isang bahay ang tinupok ng apoy kamakalawa sa Bgy. Poblacion San Isidro, Goa sa lalawigang ito.

Hindi na pinangalanan ng arson investigator ang may-ari ng bahay na nasunog.

Ayon sa ulat, nakita na lamang ng mga residente na biglang sumiklab ang sunog at mabilis na kumalat ang apoy kaya natupok ang buong bahay ng biktima.

Wala namang iniulat na nadisgrasya sa naganap na insidente.

Sa ngayon ay inaalam pa ng mga arson investigator ang sanhi ng sunog at halaga ng napinsala ng nasunog na bahay.