Bagitong tulak, nasakote

@Balitang Probinsiya | April 24, 2023

BATANGAS—Isang binatang bagitong pusher ng marijuana ang naaresto sa buy-bust operation ng mga tauhan ng pulisya, kamakalawa sa Bgy. Coliat, Ibaan sa lalawigang ito.

Ang suspek ay kinilala ng pulisya na si Mark Joram Suarez, 19, at nakatira sa nabanggit na barangay.

Ayon sa ulat, nakatanggap ng impormasyon ang mga awtoridad na nagbebenta ng marijuana si Suarez kaya agad nagsagawa ng buy-bust ang pulisya sa nasabing barangay at dito nadakip ang suspek.

Nabatid na nakakumpiska ang mga awtoridad ng 22 gramo ng marijuana at marked money sa pag-iingat ng suspek.

Nakapiit na ang suspek na nahaharap ngayon sa kasong paglabag sa Comprehensive Dangerous Drugs Act of 2002.