Bagets, todas sa holdap

@Balitang Probinsiya | December 14, 2021

QUEZON—Patay ang 16-anyos na binatilyo ang saksakin ng dalawang hindi kilalang holdaper kamakalawa sa Bgy. 9, Lucena City.

Ang biktimang nagtamo ng saksak sa katawan ay kinilala ng pulisya na si Don Bulawan, nakatira sa nasabing lungsod.

Ayon sa ulat, hinoldap umano ng dalawang suspek si Bulawan at kinuha ang kanyang cellphone, pero nanlaban ang biktima kaya sinaksak ito ng isa sa dalawang suspek.

Kaagad dinala ng mga saksi si Bulawan sa ospital, pero hindi na ito umabot nang buhay sa pagamutan.

Pinaghahanap na ng pulisya ang mga suspek.