Bagets tinodas ng tambay

@Balitang Probinsiya | October 19, 2022

PANGASINAN—Isang 17-anyos na binatilyo ang namatay nang saksakin ng tambay kamakalawa sa Bgy. Tocok, San Fabian.

Kinilala ng pulisya ang biktimang nagtamo ng mga tama ng saksak sa katawan na si Jonathan Carig, estudyante samantalang ang suspek ay si Mark Ymasa, 25-anyos, walang trabaho, at kapwa residente sa nasabing barangay.

Ayon sa ulat, habang nakaupo sa kanyang motorsiklo si Carig ay nilapitan at tinutukan ito ng patalim ni Ymasa at dinala sa liblib na lugar at dito pinagsasaksak ang biktima.

Matapos ang pananaksak ay nagtangkang tumakas si Ymasa pero nahuli siya ng mga awtoridad, samantalang dinala ng mga saksi si Carig sa ospital, pero idineklara itong dead-on-arrival.

Nahaharap ang suspek sa kasong murder.