Bagets, tinepok ng kelot

@Balitang Probinsiya | November 15, 2020

Pangasinan—Isang 14-anyos na binatilyo ang namatay nang saksakin ng isang binata na kanyang kaalitan kamakalawa sa Bgy. Embarcadero, Mangaldan.

Kinilala ang biktima na nagtamo ng tama ng saksak sa dibdib na si Kenny Fernandez, nakatira sa nabanggit na barangay.

Batay sa imbestigasyon, naglalakad si Fernandez kasama ang tatlo niyang kaibigan nang sumulpot ang suspek na si Jericho delos Reyes, 18-anyos, residente din sa nasabing barangay.

Kaagad dinala ng mga saksi sa ospital si Fernandez sa ospital, pero idineklara itong dead-on-arrival.

Sa isinagawang follow-up operation ng pulisya ay agad din nadakip si Delos Reyes na nahaharap sa kasong murder.