Bagets, natagpuang patay

@Balitang Probinsiya | November 3, 2021

ILOILO—Natagpuang patay ang 16-anyos na binatilyo kamakalawa sa liblib na lugar sa Bgy. Pulo, Oton.

Dahil menor-de-edad ay hindi na pinangalanan ng pulisya ang biktima na residente sa nabanggit na barangay.

Ayon sa ulat, mga residente ang nakatagpo sa bangkay ng biktima na may malaking sugat sa ulo at katawan sa liblib na lugar sa nasabing barangay.

Nabatid na agad ipinagbigay-alam ng mga residente sa pamilya ng biktima ang tungkol sa natagpuan nilang bangkay ng binatilyo.

Patuloy pa ang isinasagawang imbestigasyon ng pulisya kaugnay sa pagkamatay ng biktima.