Bagets na rider, todas sa semplang

@Balitang Probinsiya | November 4, 2021

AKLAN—Patay ang binatilyong rider nang aksidenteng sumemplang sa kanal ang minamaneho niyang motorsiklo kamakalawa sa Bgy. Hinguiwin, Padre Burgos.

Dahil menor-de-edad ay hindi na pinangalanan ng pulisya ang biktima na residente sa nasabing lalawigan.

Batay sa imbestigasyon, nawalan umano ng kontrol ang binatilyo sa pagmamaneho ng motorisklo kaya sumemplang ito nang mahulog sa kanal ang nasabing sasakyan.

Nabatid na nagkaroon ng malaking pinsala sa ulo at iba’t ibang parte ng katawan ang biktima.

Kaagad dinala ng mga saksi ang mga biktima sa ospital, pero idineklara itong dead-on-arrival.