Backhoe sinunog ng mga NPA

@Balitang Probinsiya | April 01, 2023

MASBATE—Isang backhoe ang sinunog ng mga hinihinalang miyembro ng New People's Army (NPA) kamakalawa sa Bgy. Sta. Rosa, San Jacinto sa lalawigang ito.

Ang sinunog na backhoe ay pag-aari ni Nelson Brejuega, nasa hustong gulang at negosyante ng nasabing bayan.

Ayon sa ulat, dumating ang mga armadong lalaki sa naturang barangay at nang makita ang backhoe ay agad itong sinunog.

May hinala ang pulisya na tumangging magbigay ng revolutionary tax sa mga rebelde ang negosyante kaya sinunog ang kaniyang backhoe na nagkakahalaga ng mahigit P3.5 milyon.

Nagsasagawa na ngayon ng manhunt operation ang mga awtoridad para madakip ang mga rebelde.