Baby boy, patay sa kuryente
BULGAR
Jul 19, 2022
1 min read
@Balitang Probinsiya | July 19, 2022
ISABELA—Isang baby boy ang namatay nang makuryente kamakalawa sa Bgy. Alicaocao, Cauayan City.
Ang biktima ay 1-taong gulang na ang mga magulang ay residente sa nasabing barangay.
Ayon sa hindi pinangalanang ina ng baby ay kinuha lang umano niya ang kanyang sinampay na damit sa labas ng bahay at pagbalik niya ay nakita niyang sunog ang kamay ng kanyang anak.
Kaagad dinala ng ina ang anak sa ospital, pero idineklara itong dead-on-arrival.
Sa imbestigasyon ng mga awtoridad ay napag-alamang nahawakan ng baby ang live wire sa extension ng kuryente kaya nakuryentye ang biktima.
Comments