Babaeng tulak, huli sa drug-bust

@Balitang Probinsiya | November 1, 2021

ALBAY--Isang babaeng drug pusher ang naaresto sa isinagawang drug-bust operation ng pulisya kamakalawa sa Bgy. Cormidal, Tabaco City.

Kinilala ng pulisya ang suspek na si Geraldine Mataverde, 30-anyos at residente ng nabanggit na barangay.

Ayon sa ulat, nagpanggap na buyer ng shabu ang mga operatiba at nang pagbentahan sila ng illegal drugs ng suspek ay agad itong inaresto sa nasabing lugar.

Nabatid na nakakumpiska ang mga awtoridad ng isang pakete ng shabu at markadong pera sa pag-iingat ng suspek.

Nakapiit na ang suspek na nahaharap sa kasong paglabag sa Comprehensive Dangerous Drugs Act of 2002.