Babaeng NPA, arestado

@Balitang Probinsiya | July 5, 2023

SULTAN KUDARAT -- Isang babaeng miyembro ng komunistang New People’s Army (NPA) ang naaresto ng mga awtoridad kamakalawa sa Bgy. Poblacion, Kalamansig sa lalawigang ito.

Hindi na muna pinangalanan ng pulisya ang suspek habang isinasailalim ito sa masusing imbestigasyon.

Ayon sa ulat, may nag-tip sa mga awtoridad na ang babae na bagong residente sa nasabing barangay ay miyembro ng NPA.

Agad itong pinuntahan ng mga operatiba at nang alamin ang pagkatao nito ay nabatid na may mga kasong itong nakabimbin sa korte.

Hindi naman nanlaban ang suspek nang dakpin ito ng mga operatiba.