Babaeng manager, nilikda ng 2 armado

@Balitang Probinsiya | October 23, 2020

COTABATO CITY—Isang babaeng manager ang napatay at isang 12-anyos na batang lalaki ang sugatan sa isinagawang pamamaril ng hindi kilalang salarin kamakalawa sa Sinsuat Avenue, Bgy. Rosary Heights 7.

Ang nasawing biktima na nagtamo ng dalawang tama ng bala sa likod ay nakilalang si Glenda Ardonio, 39-anyos, samantalang hindi na pinangalanan ang batang lalaking biktima na tinamaan ng ligaw na bala sa kanang paa.

Ayon sa ulat ng pulisya, papasok si Ardonio sa pinamamahalaan niyang tindahan nang lapitan ito ng suspek at agad pinagbabaril, at sa insidenteng ito ay tinamaan ng ligaw na bala ang batang lalaki.

Mabilis na tumakas ang suspek matapos ang pamamaril.

Dinala pa ng mga saksi ang dalawang biktima sa ospital, pero idineklarang dead-on-arrival si Ardonio.