Babaeng drug dealer, tiklo

@Balitang Probinsiya | January 7, 2021

CEBU—Isang wanted na babaeng drug dealer ang naaresto ng mga awtoridad kamakalawa sa Bgy. Tutay, Pinamungahan.

Ang suspek ay nakilalang si Eva Talon, residente sa nabanggit na bayan.

Nabatid na dinakip ng pulisya si Talon sa bisa ng warrant of arrest na inisyu ng korte kaugnay sa kinasasangkutan nitong kasong paglabag sa Comprehensive Dangerous Drug Act of 2002.

Kusa namang sumama sa mga awtoridad ang suspek nang dakpin sila sa nasabing barangay.

Ayon sa pulisya, matagal na nilang pinaghahanap ang suspek at kamakalawa lang nila ito natiyempuhang dakpin.