Armadong kelot, tepok sa shootout

@Balitang Probinsiya | May 9, 2023

QUEZON—Isang armadong lalaki ang namatay nang makipagbarilan sa mga awtoridad, kamakalawa sa Bgy. Concepcion Banahaw, Sariaya sa lalawigang ito.

Kinilala ang suspek na nagtamo ng mga tama ng bala sa katawan na si Marlon Mendoza, 44-anyos, nakatira sa nabanggit na barangay.

Ayon sa ulat, sa bisa ng search warrant ay sinalakay ng mga awtoridad ang bahay ni Mendoza dahil sa impormasyong may baril ito sa kanyang tahanan, pero biglang pinagbabaril ng suspek ang mga operatiba.

Dahil dito, gumanti ng putok ang mga awtoridad kaya napatay ang suspek.

Napag-alaman na nakakumpiska ang mga awtoridad ng isang baril, mga bala, at ilang sachets ng shabu sa pinangyarihan ng insidente.