Armado pumalag, dedo sa shootout

@Balitang Probinsiya | February 16, 2021

SORSOGON—Isang hindi kilalang armadong lalaki ang napatay nang pumalag at makipagbarilan sa pulisya kamakalawa sa Bgy. San Roque, Sorsogon City.

Sa ngayon ay inaalam pa ng pulisya ang pagkakakilanlan ng napatay na suspek.

Ayon sa ulat, nakita ng mga nagpapatrulyang pulisya ang kahina-hinalang kilos ng suspek sa nasabing barangay kaya sinita ito, pero biglang naglabas ng baril at binaril ang mga awtoridad.

Nabatid na mabilis na nakaganti ng putok ang mga operatiba kaya napatay ang suspek.

Nakarekober ang pulisya ng baril at mga bala sa pinangyarihan ng insidente.