Apartment pinasok, 2 estudyante ninakawan

@Balitang Probinsiya | Pebrero 9, 2023

PALAWAN – Isang apartment ang nilooban ng mga miyembro ng "Akyat-Bahay Gang" kamakalawa sa Bgy. San Manuel, Puerto Princesa City sa lalawigang ito.

Hindi na pinangalanan ng pulisya ang dalawang estudyanteng biktimang napagnakawan ng mga cellphones at iba pang gamit sa loob ng inuupahan nilang apartment.

Nabatid na natutulog ang mga biktima sa apartment nang looban sila ng mga suspek.

Napag-alaman na sinira ng mga suspek ang bintana ng apartment kaya nakapasok at tinangay ang mga pag-aari ng mga biktima.

Kaugnay nito, naglunsad na rin ng manhunt operation ang pulisya para madakip ang mga magnanakaw.