Anak, pinatay ng ama

@Balitang Probinsiya | July 30, 2023

ALBAY -- Isang 25-anyos na binata ang namatay nang saksakin ng kanyang ama kamakalawa sa Bgy. Mabini, Legazpi City sa lalawigang ito.

Kinilala ng pulisya ang biktima na si Richard Mirandilla, samantalang ang suspek ay ang ama nito na si Jesus, 63, kapwa nakatira sa naturang barangay.

Ayon sa ulat, nagkaroon ng pagtatalo ang mag-ama at pagkatapos ay sinaksak ng suspek ang biktima.

Agad dinala ng kanilang mga kamag-anak ang biktima sa ospital, pero idineklara itong dead-on-arrival.

Kusang sumuko sa pulisya si Jesus na nahaharap sa kasong parricide.