Anak dinedbol ng erpat
BULGAR
Oct 21, 2022
1 min read
@Balitang Probinsiya | October 21, 2022
PANGASINAN—Isang 38-anyos na anak na lalaki ang pinatay sa saksak ng kanyang ama kamakalawa sa Bgy. Bolosan, San Carlos City.
Kinilala ng pulisya ang biktima na si Sammy de Guzman, samantalang ang suspek ay ang ama nitong si Salvador, 68-anyos, kapwa residente sa nasabing barangay.
Ayon sa ulat, habang nag-iinuman ang mag-ama ay nagkaroon ang mga ito ng pagtatalo kaya pinagsasaksak ng suspek ang kanyang anak.
Kaagad dinala ng kanilang mga kamag-anak ang biktima sa ospital, pero idineklara itong dead-on-arrival.
Kusa namang sumuko sa pulisya ang suspek na nahaharap sa kasong parricide.
Comments