9 sabungero, nasakote sa tupada

@Balitang Probinsiya | November 25, 2020

BATANGAS—Siyam na sabungero ang inaresto ng pulisya nang mahuli sa aktong nagtutupada kamakalawa sa Bgy. Paligawan, Balete.

Nakilala ang mga suspek na sina Romeo Katigbak, Caesar Katigbak, Jaime Valencia, Quintin Llanes, Jeron Valdez, Allan Galvez, Fredirico Canoy, Vic Catanduanes at Wilma Camacho, pawang nakatira sa nabanggit na bayan.

Ayon sa ulat, may nagbigay-impormasyon sa pulisya na may kalalakihan nagsusugal sa tupada sa nasabing barangay kaya agad nagsagawa ng pagsalakay ang mga awtoridad at dinakip ang mga suspek.

Nakakumpiska ang mga awtoridad ng mga manok na panabong, cash at mga tari sa pag-iingat ng mga suspek.

Inihahanda na ngayon ng mga awtoridad ang kasong paglabag sa RA 1602 o illegal gambling laban sa mga suspek.