9 huli sa aktong nagdodroga

@Balitang Probinsiya | March 1, 2023

PAMPANGA — Siyam na drug addict na nagsasagawa ng pot session ang nadakip sa isinagawang drug-bust operation ng mga awtoridad kamakalawa sa isang drug den sa Bgy. Dapdap, Malabalacat sa lalawigang ito.

Hindi na muna pinangalanan ang mga suspek habang isinasailalim sila sa masusing imbestigasyon.

Ayon sa ulat, may tinanggap na impormasyon ang mga awtoridad na gumagamit ng shabu ang mga suspek sa loob ng isang bahay ng isa sa mga adik kaya agad itong sinalakay ng mga operatiba at dito nadakip ang siyam na sugapa sa droga.

Napag-alaman na nakakumpiska ang mga awtoridad ng 15 sachets ng shabu sa pag-iingat ng mga suspek.

Hindi naman nanlaban ang mga suspek nang dakpin sila ng mga awtoridad sa nasabing barangay.