84 bahay, natupok

@Balitang Probinsiya | May 3, 2023

ILOILO—Nasa 84 bahay ang nasunog sa City Proper, Iloilo City sa lalawigang ito.

Ang sunog ay nagmula sa bahay ng isang nagngangalang Margarito Correa, nasa hustong gulang at residente ng nabanggit na lungsod.

Ayon sa ulat, nakita na lamang ng mga residente na biglang sumiklab ang sunog sa bahay ni Correa at dahil sa mabilis na pagkalat ng apoy ay nadamay na nasunog ang 83 pang kabahayan sa naturang lugar.

Wala namang iniulat na nadisgrasya sa insidente.

Sa ngayon ay inaalam pa ng mga arson investigator ang sanhi ng sunog sa bahay ni Correa.