81-anyos na lolo pinagbabaril
- BULGAR
- Feb 22, 2023
- 1 min read
@Balitang Probinsiya | Pebrero 22, 2023
BATANGAS — Isang 81-anyos na lolo ang namatay nang barilin ng isang hindi kilalang armadong lalaki kamakalawa sa Bgy. Talumpok Silangan, Batangas City sa lalawigang ito.
Ang biktimang nagtamo ng mga tama ng bala sa katawan ay nakilalang si Bienvenido Delica, nakatira sa naturang barangay.
Ayon sa ulat, habang nasa loob ng garahe ng kanilang bahay si Delica ay biglang sumulpot ang suspek at agad pinagbabaril ang biktima.
Mabilis na tumakas ang mga suspek nang matiyak na patay na ang biktima.
Iniimbestigahan pa ng pulisya ang motibo ng mga suspek sa pamamaslang kay Delica.
Comments