8-anyos naligo sa ilog, nalunod
- BULGAR
- May 2, 2021
- 1 min read
@Balitang Probinsiya | May 2, 2021
CAMARINES SUR—Patay ang 8-taong gulang na batang lalaki nang malunod habang naliligo sa ilog kamakalawa sa Bgy. Baay, Labo.
Ang biktima ay kinilala ng pulisya na si John Kian Campita, nakatira sa Bgy. Dalas sa nasabing bayan.
Ayon sa ulat, kasama si John Kian ng kanyang pamilya na naligo sa ilog.
Nabatid na habang naliligo ay napagawi sa malalim na bahagi ng ilog ang biktima kaya ito nalunod.
Kaagad sumaklolo ang mga residente at kamag-anak ni John Kian at dinala sa ospital ang bata, pero idineklara itong dead-on-arrival.
Comments