75-anyos na lolo, todas sa van

@Balitang Probinsiya | January 25, 2021

CAMARINES SUR—Isang 75-anyos na lolo ang namatay nang mabangga ng rumaragasang van kamakalawa sa national highway ng Milaor.

Ang biktima ay nakilalang si Salvador Paradela, nakatira sa nabanggit na bayan.

Ayon sa ulat, tumatawid umano sa kalsada si Paradela nang mabangga ito ng rumaragasang van.

Dinala pa ng mga saksi ang biktima sa ospital, pero idineklara itong dead-on-arrival.

Hindi na pinangalanan ng pulisya ang driver ng van matapos itong kusang sumuko at mangakong sasagutin ang lahat ng danyos sa aksidenteng pagkakabangga niya sa biktima.