70 bahay, tinupok ng apoy

@Balitang Probinsiya | Ika-19 ng Pebrero, 2024

CEBU -- Nasa 70 kabahayan ang tinupok ng apoy sa naganap na sunog kamakalawa sa Brgy. Pahinas Central, Cebu City sa lalawigang ito.

Ang sunog ay nagmula sa tahanan ng hindi pinangalanang residente sa naturang lugar.

Ayon sa ulat, nakita na lamang ng mga residente na biglang sumiklab ang sunog sa isang bahay at dahil sa mabilis na pagkalat ng apoy ay nadamay ang 69 pang kabahayan sa naturang lugar.

Wala namang iniulat na nadisgrasya sa naganap na insidente.

Sa ngayon ay inaalam pa ng mga arson investigator ang sanhi at halaga ng napinsala ng sunog sa nabanggit na barangay.