7 komunistang NPA, sumuko

@Balitang Probinsiya | March 15, 2021

TARLAC—Pitong miyembro ng New People's Army (NPA) ang sumuko sa pamahalaan kamakalawa sa headquarters ng Philippine Army (PA) sa San Jose.

Para sa kanilang seguridad ay hindi na pinangalanan ng mga awtoridad ang mga komunistang sumuko sa 3rd Mechanized Infantry Battalion ng PA sa naturang lalawigan.

Nabatid na isinuko rin ng mga NPA ang mga dala nilang armas at mga subersibong dokumento.

Ayon sa sumukong NPA, nais na nilang magbagong-buhay kaya nagpasya siyang magbalik-loob sa pamahalaan.

Napag-alamang nakatanggap ng kabuuang P405,000 financial assistance mula sa pondo ng Enhanced Comprehensive Local Integration Program ang mga sumukong NPA