7 komunista, sumuko
Nov 9, 2021
1 min read
@Balitang Probinsiya | November 9, 2021
MASBATE--Pitong miyembro ng New People's Army (NPA) ang sumuko sa pamahalaan kamakalawa sa Bgy. Bacolod, Milagros.
Para sa kanilang seguridad ay hindi na pinangalanan ng mga awtoridad ang mga sumukong NPA.
Nabatid na isinuko rin sa mga awtoridad ng mga komunista ang dala nilang mga armas at subersibong dokumento.
Sinabi ng mga sumukong NPA na nais na nilang magbagong-buhay kaya nagpasya silang magbalik-loob sa gobyerno.
Patuloy pang isinasailalim sa taktikal na interogasyon ang mga sumukong NPA upang matiyak na bukal sa kanilang kalooban ang pagbabalik-loob sa pamahalaan.
Comments