7 kelot, timbog sa gun ban

@Balitang Probinsiya | October 01, 2023

ILOILO -- Pitong lalaki na lumabag sa Comelec gun ban ang dinakip ng mga awtoridad nang makumpiskahan ng mga baril sa iba't ibang barangay sa Iloilo City sa lalawigang ito.

Hindi na muna pinangalanan ang mga suspek habang iniimbestigahan sila ng mga awtoridad kung bakit may dala silang mga baril sa kabila na may ipinatutupad na gun ban ang Comelec.

Ayon sa ulat, nadakip ng mga nagpapatrulyang tauhan ng pulisya ang mga suspek sa iba’t ibang lugar sa lungsod.

Nang hanapan ng dokumento mula sa Comelec tungkol sa dala nilang mga baril ay walang naipakita kaya inaresto ng mga awtoridad ang mga suspek.

Nakapiit na ang mga suspek na pawang nahaharap sa kasong paglabag sa Comelec gun ban at illegal possession of firearms and ammunitions.