6 komunistang NPA, sumuko

@Balitang Probinsiya | September 15, 2023

BUTUAN CITY -- Anim na miyembro ng New People’s Army (NPA) ang sumuko sa pamahalaan kamakalawa sa Bgy. Del Pilar sa lungsod na ito.

Para sa kanilang seguridad ay hindi na pinangalanan ng mga awtoridad ang anim na sumukong komunista na nag-o-operate sa Surigao del Sur.

Napag-alaman na isinurender din ng mga komunistang NPA ang mga dala nilang armas, bala sa subersibong dokumento sa mga awtoridad.

Ayon sa mga sumukong miyembro ng NPA, nahihirapan na umano silang mamuhay sa bundok kaya sumuko sila sa pamahalaan.

Isinasailalim na sa taktikal na interogasyon ang mga sumukong NPA.