6 babaeng sugarol, timbog

@Balitang Probinsiya | March 13, 2021

PAMPANGA—Anim na babae ang dinakip ng pulisya nang mahuli sa aktong nagsusugal ng “quhao” card game kamakalawa sa Bgy. Ninoy Aquino, Angeles City.

Kinilala ang mga suspek na sina Desiree Fainsan, Lourdes Palo, Arminda Mallari, Eliza Elperez, Remedios Dayrit at Marjory Abuid, pawang nasa hustong edad at mga residente sa nasabing lungsod.

Ayon sa ulat, may nagbigay-impormasyon sa mga awtoridad na may kababaihang nagsusugal ng “quhao” sa naturang barangay kaya agad nagsagawa ng pagsalakay ang pulisya at inaresto ang mga suspek.

Nakakumpiska ang mga awtoridad ng mga baraha at cash sa pag-iingat ng mga suspek.

Nakapiit na ang mga suspek na pawang nahaharap sa kasong paglabag sa RA 1602 o illegal gambling.