6 arestado sa drug den

@Balitang Probinsiya | May 19, 2023

ILOILO—Anim katao, kabilang ang mag-amang notoryus na drug pusher ang nadakip sa drug-bust operation ng mga awtoridad, kamakalawa sa isang drug den sa Jaro District, Iloilo City sa lalawigang ito.

Hindi muna pinangalanan ng mga awtoridad ang mga suspek habang iniimbestigahan ng mga operatiba.

Nabatid na may tinanggap na impormasyon ang mga awtoridad na ginagawang drug den ang isang bahay sa naturang barangay, kaya agad itong sinalakay at dito nadakip ang mga drug pusher.

Ayon sa ulat, nakakumpiska ang mga awtoridad ng 58 gramo ng shabu at markadong pera sa pag-iingat ng mga suspek.

Nahaharap ngayon ang mga suspek sa kasong paglabag sa Dangerous Drugs Act of 2002.