54-anyos natagpuang patay

@Balitang Probinsiya | March 16, 2023

CAMARINES SUR—Isang 54-anyos na matandang binata ang natagpuang patay kamakalawa sa baybaying dagat ng Bgy. San Antonio, Siruma sa lalawigang ito.

Ang biktima ay kinilala ng pulisya na si Ricky Sarmiento, nakatira sa nabanggit na lalawigan.

Nabatid na ilang residente ang nakatagpo sa bangkay ng biktima sa baybaying dagat sa nasabing barangay.

Sa pagsisiyasat ng pulisya, ay huli umanong nakitang buhay si Sarmiento na lasing at nakasakay sa maliit na bangka.

Dahil dito,ayon sa pulisya ay posible umanong nahulog sa dagat ang biktima kaya ito ay nalunod at namatay.