5 tiklo sa drug den

@Balitang Probinsiya | May 30, 2023

ILOILO—Limang drug addict ang nadakip sa isinagawang drug-bust operation ng mga awtoridad kamakalawa sa isang drug den sa Bgy, Desamparados, Jaro District, Iloilo City sa lalawigang ito.

Kinilala ang mga suspek na sina Romer Castor, Jenbert Berol, Felix Sabandal, David Mahusay at Jun Ong, pawang nasa hustong gulang at mga residente sa nasabing lalawigan.

Nabatid na may tinanggap na impormasyon ang mga awtoridad na ginagawang drug den ang isang bahay sa naturang barangay kaya agad itong sinalakay at dito nadakip ang mga drug addict na nahuli sa aktong nagsasagawa ng pot session.

Ayon sa ulat, nakakumpiska ang mga awtoridad ng pitong sachets ng shabu at drug paraphernalia sa pag-iingat ng mga suspek.

Nahahaharap ngayon ang mga suspek sa kasong paglabag sa Dangerous Drug Act of 2002.