5 teroristang ASG, sumurender

@Balitang Probinsiya | November 14, 2021

SULU—Limang miyembro ng Abu Sayyaf Group (ASG) ang sumuko sa pamahalaan kamakalawa sa bayan ng Indanan.

Kinilala ang mga sumuko na sina Bensar Majan, Romil Paraja, Yashir Jamalul, Kimrasil Imnaji at Roger Kahan, pawang miyembro ng ASG na nag-o-operate sa lalawigan.

Nabatid na isinuko rin sa mga awtoridad ng mga ASG members ang dala nilang mga armas at pampasabog.

Sinabi ng mga sumukong terorista na nagsawa na sila sa matagal na pakikipaglaban sa pamahalaan kaya nagpasya silang magbalik-loob sa gobyerno.

Patuloy pang isinasailalim sa taktikal na interogasyon ang mga sumukong ASGmembers upang matiyak na bukal sa kanilang kalooban ang pagbabalik-loob sa pamahalaan.