5 sabungero, tiklo sa tupada

@Balitang Probinsiya | January 13, 2021

BATANGAS—Limang sabungero ang inaresto ng pulisya nang mahuli sa aktong nagtutupada kamakalawa sa Bgy. Sto. Cristo, San Jose.

Nakilala ang mga suspek na sina Joseph Villacastin, Virgilio Hernandez, Romero Carandang, Ponciano Rodriguez at Noli Perez, pawang nakatira sa naturang barangay.

Ayon sa ulat, may nagbigay-impormasyon sa pulisya na may kalalakihan nagsusugal sa tupada sa nasabing barangay kaya agad itong sinalakay ng mga awtoridad at dinakip ang mga suspek.

Nabatid na nakakumpiska ang mga awtoridad ng mga manok na panabong, cash at mga tari sa pag-iingat ng mga sabungero.

Nakapiit na ang mga suspek na pawang nahaharap sa kasong paglabag sa RA 1602 o illegal gambling.