5 sabungero, nasakote sa tupada

@Balitang Probinsiya | December 22, 2020

BATANGAS—Limang sabungero ang inaresto ng pulisya nang mahuli sa aktong nagtutupada kamakalawa sa Bgy. Poblacion 1, Talisay.

Hindi na muna pinangalanan ang mga suspek habang iniimbestigahan sila ng mga awtoridad.

Ayon sa ulat, may nagbigay-impormasyon sa pulisya na may kalalakihan nagsusugal ng tupada sa nasabing barangay kaya agad nagsagawa ng pagsalakay ang mga awtoridad at dinakip ang mga suspek.

Nabatid na nakakumpiska ang mga awtoridad ng mga manok na panabong, cash at mga tari sa pag-iingat ng mga suspek.

Inihahanda na ng mga awtoridad ang kasong paglabag sa RA 1602 o illegal gambling laban sa mga suspek.